كلمات بتدفي القلب ..الف مبروك لهبة قطيش من المغار على اختيارنا للولادة في المرة الثالثة وهاي المرة في ولادة طفلتها الغالية ليا اخت لكاتيا وآدم .
ليا وُلدت بوزن 1.4 كغم ودخلت للعناية في قسم الخدّج.
هبة حبّت تشكر طاقم الخدّج الرائع بهاي الكلمات:” شكرا عشان كنتوا معنا بهاي الفترة الخاصة بحياتنا، على المعاملة، المرافقة والدعم اللي اعطيتوه النا ولطفلتنا ليا.
معاكوا مرقت اكتر تجربة كان فيها تحدي بحياتي..
مع بعض تخطّينا كل الهموم والمخاوف بوقت قصير بفضل المهنية، الاهتمام والمعاملة الدافية.
ليا تركت القسم بصحة قوية وممتازة بفضلكوا انتوا !
حسّينا حالنا بالبيت، الخوف تحّول لثقة وراحة بفضل دعمكوا المتواصل طوال الفترة.
شكرا من كل القلب”.
عائلة قطيش العزيزة، طاقم الخدّج وقسم الام والمولود بتمنالكوا الصحة، السعادة وهداة البال لاحلى ليا واحلى عيلة.
